Без големи изненадувања: Победници и губитници на Ем-ти-ви видео музичките награди
Ем-ти-ви видео музичките награди што се одржаа во средата во Њујорк, САД, не донесоа големи изненадувања.
Препорачано
Очекувано, во моментот најпопуларната поп-пејачка Тејлор Свифт повторно доминираше, станувајќи најнаградуваниот соло изведувач на сите времиња, откако победи во седум категории, вклучувајќи ја и главната награда на вечерта – видео на годината.
Меган Ти Сталион беше домаќин и имаше свој настап на овогодинашното доделување награди, кое се емитуваше во живо од њујоршката Ју-би-ес Арена. Пејачката ги потсети присутните на моменти од минатите доделувања на наградите, вклучувајќи ја и облеката на Бритни Спирс од видеоспотот за песната „I’m a Slave 4 U“, каде држеше жива змија.
Свифт, која веќе беше и најноминиран изведувач на почетокот на вечерта, ја заврши со надминување на рекордот на Бијонсе, освојувајќи ја нејзината 30-та награда.
Сабрина Карпентер ја зеде наградата за песна на годината за песната „Espresso“, а Чапел Роан беше прогласена за најдобар нов изведувач на за 2024 година. СЗА, Еминем, Лени Кравиц, Лиза од „Блекпинк“ и Тајла беа меѓу другите победници.
Кети Пери ја доби овогодинашната награда „Видео авангард“ и на сцената изведе компилација од нејзините хитови. Меѓу другите изведувачи на сцената беа Анита, Еминем, Ел-ел Кул Џеј, Камила Кабељо, Чапел Роан, Холзи, Лени Кравиц, Шон Мендес, Сабрина Карпентер и други.
Еминем својот настап го започна со армија од двојници на Слим Шејди, евоцирајќи го неговиот настап на доделувањето на наградите од 2000 година. Сабрина Карпентер ги испеа „Please Please Please“, „Espresso“ и „Taste“, а на сцена се бакнуваше со вонземјанин.
На свечениот настан беше оддадена почит по повод 23-годишнината од 11 септември. Имено, Ем-ти-ви ја поддржа непрофитната организација „Ден на 11 септември“, која го организира Националниот ден на службата и Сеќавањето на 11 септември.
Целата листа на победници може да ја погледнете ТУКА.
Видеоспот на годината
Аријана Гранде – „we can’t be friends (wait for your love)”
Били Ајлиш – „LUNCH”
Доџа Кет – „Paint The Town Red“
Еминем – „Houdini“
СЗА – „Snooze“
Тејлор Свифт и Пост Малон – „Fortnight“ – победник
Уметник на годината
Аријана Гранде
Бед Бани
Еминем
Сабрина Карпентер
СЗА
Тејлор Свифт – победник
Песна на годината
Бијонсе – „TEXAS HOLD ‘EM“
Џек Харлоу – „Lovin On Me“
Кендрик Ламар – „Not Like Us“
Сабрина Карпентер – „Еsspreso“ – победник
Тејлор Свифт и Пост Малон – „Fortnight“
Теди Свимс – „Lose Control“
Најдобар нов уметник
Бенсон Бун
Чапел Роан – победник
Грејси Абрамс
Шабузи
Теди Свимс
Тајла
Најдобар поп изведувач
Камила Кабело
Дуа Липа
Оливија Родриго
Сабрина Карпентер
Тејт Мекреј
Тејлор Свифт – победник
Најдобар хип-хоп изведувач
Дрејк и Сексии Ред и СЗА – „Rich Baby Daddy“
Еминем – „Houdini“ – победник
ГлоРила – „Yeah Glo!“
Гуна – „fukumean“
Меган Ти Сталион – „BOA“
Тревис Скот и Плејбој Карти – „FE!N“
Најдобар рок изведувач
Бон Џови – „Legendary“
„Колдплеј“ – „feelslikeimfallinginlove“
„Грин деј“ – „Dilemma“
„Кингс од лион“ – „Mustang“
Лени Кравиц – „Човек“ – победник
„Ју-ту“ – „Atomic City“
