Градоначалникот на Општина Центар, Горан Герасимовски, потпиша Меморандум за соработка со Театарот за деца и младинци со кој им се овозможува на децата и младите, ученици во училиштата и градинките на подрачјето на општината, организирани посети на претстави во овој театар, користење на просториите на театарот за потребите на Општина Центар и консултации и соработка со вработените во Театарот за деца и младинци за потребите на децата во училиштата и градинкитево областа на културата и уметноста.

Првите бесплатни билети во рамки на овој Меморандум се за посета на претставата „Како ќе го делиме мачорот“ за прво, второ и третонаградените учениците и наставници ментори од ООУ „11 Октомври“, „Киро Глигоров“ и „Коле Неделковски“ кои учествуваа во изведбите и подготовките на театарските претстави кои се одржаа минатиот месец, како и за учениците кои освоија награди на претставите за најдобра женска и машка улога од ООУ „Св. Кирил и Методиј“ со менторот и од ООУ „Киро Глигоров“. Посетувањето на театарот и негувањето на културата и уметноста на децата уште во раната возраст носи висок степен на социјализација, креативност и самодоверба кај децата и учениците. – рече Герасимовски.

Соработката ќе вклучува заедничка работа на проекти во областа на културата и уметноста преку кои се развива филантропијата, општествената одговорност, хуманоста и емпатијата кај населението, културата и уметноста, а во исто време се работи на подобрување на квалитетот на живеење на децата и младите во Општината Центар.