Од Буџетот за 2023 година за капитални расходи се потрошени 707 милиони евра и е постигната највисока реализација во однос на планот – 97 отсто, изјави министерот за финансии Фатмир Бесими.

– Оваа година буџетскиот дефицит е понизок од капиталните инвестиции, со што го реализиравме златното правило во економијата. Ниту еден денар од задолжувањето не потрошивме за тековни расходи, сè е за инвестиции – рече Бесими.

Давајќи отчет за минатогодишниот буџет, Бесими информираше и дека реализацијата на приходите е 98,3 отсто, а на расходите 898,1 отсто во однос на планот.