Фудбалерот на Манчестер сити, Бернардо Силва покажа дека е цврсто на земја и ги процени шансите на „граѓаните“ за титулата во Премиер лигата.

Тимот на Пеп Гвардиола е дури шести во генералниот пласман и цели 14 бода зад лидерот Ливерпул.

Според Силва, шансите за титулата на Сити се многу мали:

– Треба да се помириме со реалноста. Во моментов не гледаме каде се Ливерпул и Арсенал бидејќи сме на шестото место. За нас најважно е да ги освоиме трите бода на следниот натпревар и да се искачиме на четвртото или третото место.

На само 10 кола пред крајот можеме да направиме некои калкулации и да размислиме за одредена позиција. Ништо не е невозможно во фудбалот, но нема сомнеж дека сме надвор од конкуренција за титулата. Доцна е да се вратиме на тоа. Луѓето велат дека не можете да ја освоите титулата во јануари, но сигурно можете да ја изгубите – вели играчот од средниот ред, Силва.