Главниот демократ Сали Бериша, на прес конференција рече дека Демократската партија ќе ги прости сите казни за неплатена струја и вода, како и да ги надомести сите казни за градење без дозвола.

-Вчера во тајна акција наркомнозинството, надвор од секаков вид собраниска процедура, побара да се стави на дневен ред и да се изгласа предлог-закон, според кој ќе се укинат казните за одобренија за градба во руралните средини. Ова беше лажен закон и голема измама бидејќи со одлука на Уставниот суд законот одобрен за изрекување на овие казни беше прогласен за неуставен. Во овој контекст, секоја влада е должна да ја врати секоја казна изречена врз основа на овој закон. Но, нарко-државата, наркодиктатурата, која ја признава само волјата на таткото и на главата на криминалот, без разлика на одлуката на Уставниот суд, ја продолжи противуставната практика на казнување на граѓаните и сега неодамна глуми дека им ги простува казните, во време кога тие се прогласени за незаконски – рече Бериша.

Тој изрази осуда на оваа јавна измами и нагласи дека му гарантира на секој граѓанин кој е казнет врз основа на тој неуставен закон, од денот на влегувањето во сила до денес, дека ќе биде обештетен, ќе му биде вратена до последен лек целата сума од казната што ја платиле.

-Го повикувам секој граѓанин да не плаќа ни лек противуставна казна. Како што изјавувам дека ДП ќе ги прости сите казни на пензионерите, на ранливите семејства, на вработените со просечна плата или пониска плата, на самохраните мајки и на сите семејства на социјална помош, како и на невработените. На сите нив ќе им се простат казните за струја и вода за пиење. Ги повикувам овие семејства да не плаќаат ниту цент, бидејќи овие казни ќе бидат 100 отсто простени – рече Бериша.

Тој изјави дека опозицијата инсистира на формирање техничка влада, која ќе спроведе слободни избори, додавајќи дека „во 2025 година е наш ред да победиме“.

Вчера албанскиот претседател Бајрам Бегај потпиша уредба со која 11 мај 2025 година го одреди за датум кога ќе се одржат парламентарните избори, 11-ти по ред, по падот на тоталитарниот режим во Албанија. Инаку, на последните три изборни циклуси, од 2013 година наваму, победник на изборите се социјалистите на Еди Рама.