Антон Бериша, член на Претседателството на Демократскиот сојуз на Косово, вели дека министерката за надворешни работи Доника Гервала е неодговорна, а нејзината „антиалбанска“ агенда е загрижувачка, пренесува Газета блиц.
Бериша истакна дека ставовите на Гервала се во согласност со ставовите на премиерот Аљбин Курти, кој, според него, е лидер на „антиевропската“ политика.

„Таа е неодговорна министерка, со основни недостатоци во дипломатската комуникација. И што е вознемирувачко, нејзините изјави се злонамерни и имаат улога на антиалбанска агенда. Дека Косово е непријателски настроено кон Европа не треба ни да се коментира. Според стандардот на оваа власт, лидер на антизападната политика е Курти. Тој постојано дава неодговорни изјави, како онаа со секретарот Блинкен. Со ваквите изјави ја откриваат нивната склоност кон непријателство со западниот свет“, рече Бериша.

Тој додаде дека Косово го нема луксузот да го зборува јазикот на Гервала.

„Косово го нема луксузот да и објави војна на ЕУ. „Ваквите изјави само му штетат на Косово, бидејќи ние не сме во позиција да користиме таков речник“, нагласи Бериша.