Рафаел Бенитез во минатото беше тренер на Реал Мадрид, но не се прослави и брзо си замина од тренерската клупа на шпанскиот гигант.

Шпанецот во разговор за „Кадена Сер“ истакна дека немал поддршка од раководството на Реал Мадрид, а исто така фудбалерите го саботирале.

„Кога пристигнав во Мадрид, Анчелоти само што си замина, а тој имаше добра релација со играчите и изгледаше како јас да доаѓам со камшик. Имаше непријатен амбиент: замина Касиљас, Кејлор Навас, Бензема беше уапсен… Ситуацијата беше комплицирана. И кога цела ситуација стана тешка, кој ја ‘плпати сметката’? Јас“.

„Проблемот е кога мора да се соочите со незгодни фудбалери, кои одат по медиуми и кажуваат приказни. Тоа што е познато во јавност е една работа, додека вистината е сосема друга. Немав доволна поддршка од раководството, а морав да го менаџирам и Роналдо“, изјави Бенитез.

Бенитез во кариерата покрај Реал Мадрид ги водеше: Ваљадолид, Тенерифа, Валенсија, Ливерпул, Интер, Челзи, Наполи, Њукасл…