Македонскиот трибјут бенд „Бело Копче – трибјут Бјело Дугме“, предводен од познатите музичари Стевче Грозданов – гитара и пејачот Зоран Рудан – Цеки, вчеравечер, во еден познат скопски локал, приредија незаборавна ноќ за паметење.

Заедно со нив свиреа и Горан Гешовски на бас, Борислав Драганов на клавијатури и Емил Милев на тапани.

Со музика, изглед и сценски настап кој го пресликаа од најголемиот рок ен рол бенд на овие простори „Бјлео Дугме“, момците ја промовираа својата прва песна, насловена како „Сувенир из Сарајева“ (Сувенир од Сараево).

Пред присутните гости, пријателите, соработниците, колегите и претставниците на македонските медиуми, познатиот македонски музички новинар и ТВ водител Антонио Димитриевски ги соопшти деталите за песната и видеозаписот.

Имено, музиката е на Саша Драгиќ, текстот на Владимир Митровиќ, а аранжманот на Стевче Грозданов. Песната е снимена во студиото „Целофан“ во Скопје, додека миксот и мастерингот се на Горан Гешовски.

На песната совршено се надоврзува едноставното, но мошне функционално видео во кое покрај членовите на бендот се појавува познатата македонска актерка Катерина Шехтанска, како фотографката на групата во видеото, кое го потпишува познатиот македонски музичар и режисер на видеоспотови, Александар Ристовски Принц.

Како што кажа и самиот модератор на настанот, песната не случајно е избрано да го носи тој наслов, како што не е случаен ниту изборот да биде отпеана на јазик кој го разбираа поширокиот екс ЈУ регион, зашто „Бело Копче – трибјут Бјело Дугме“ имаат цел токму него да го освојуваат.

Што се однесува до самата песна, музички целата оддава амбиент на прочуената сараевска школа од средината на 70-ите до крајот на 80-ите, кога на прочуениот сараевски рок ен рол мирисаше целата екс Ју сцена, па и целиот Балкан. Токму со таков сензибилитет, со таа нота на вдахновеност и шмек кој потсетува на тие убави времиња дише и првата песна на „Бело Копче“.

(Комерцијална објава)