– Американскиот претседател Доналд Трамп стои зад министерот за одбрана Пит Хегсет, изјави денеска портпаролката на Белата куќа Каролин Левит.

Ливит ја истакна поддршката на Трамп за Хегсет по извештаите дека американскиот министер за одбрана споделил детали за нападот во март врз Хутите во Јемен во групата за пораки Сигнал, во која биле неговата сопруга, брат и адвокат, објави Ројтерс.

Откривањето на втор пример на такви податоци што беа споделени во апликацијата  Сигнал покрена прашања за користењето на некласифицираниот систем за пораки од страна на Хегсет за споделување високо чувствителни безбедносни детали и дојде во особено деликатно време за него, кога високи функционери на Пентагон беа отстранети од нивните позиции минатата недела како дел од внатрешна истрага за протекување.