Поранешната ѕвезда на Манчестер јунајтед, Реал Мадрид, Милан и ПСЖ, истакна дека Лионел Меси за него е најдобриот фудбалер на сите времиња.

Бекам кој сега е сопственик на Интер Мајами каде што Меси настапува нема дилеми дека Аргентинецот е најдобар на сите времиња, а додаде и дека нема некој кој би можел да му парира.

„Лео е најдобар фудбалер на сите времиња, едноставно никој не може да му парира“, изјави Бекам.

Бекам зборуваше и за Лигата на шампионите каде што прогнозираше дека Реал Мадрид ќе биде шампион, а исто така имаше пофални зборови и за Пеп Гвардиола.

„Тој е еден од најдобрите тренери во светот. Секој клуб поминува низ тешки моменти, посебно ако изгуби некој фудбалер или дојде нов, се случуваат такви работи поради промени“, истакна Бекам.