Бастри Бајрами утрово го известил претседателот на Собранието Талат Џафери дека во Собранието ќе дејствува како независен пратеник. Тој до сега заедно со Фадил Зендели беше пратеник од Беса.  „Слободен печат“ веќе објави дека Бајрами ќе дејствува како независен пратеник откако тој и заменик претседателот на Беса Аријанит Хоџа се дистанцираа од одлуката на лидерот Билал Касами за соработка со Алтернатива и новото движење на Изет Меџити за окрупнување на опозицискиот фронт.

– Јас долупотпишаниот пратеник Бастри Бајрами, Ве информирам дека од денес ќе дејствувам како независен пратеник во Собранието на Република Северна Македонија – вели Бајрами во дописот испратен до претседателот на Собранието.