Во обид да ги спречи прекршоците на возачите на електрични тротинети, Барселона од 1 февруари ќе наметне казна од 500 евра за оние кои се возат по тротоарите без да носат кацига.

Во градот кој претежно има најмалку 250 километри рамни патишта и велосипедски патеки, 2.500 сончеви часови годишно и малку врнежи, употребата на електрични тротинети е четирикратно зголемена од пандемијата на коронавирус, според Гардијан. Се проценува дека секој ден во градот има 44.000 патувања со тротинет, додека жените сочинуваат 31% од возачите.

Сепак, електричните тротинети му донесоа проблеми на градот бидејќи возачите развиваат брзина што резултира со тоа тие да станат поопасни од велосипедистите во случај на несреќа. Во Барселона, тротинетите станаа омилено возило и на џепчиите.

Новата регулатива предвидува максималната брзина на електричните тротинети да биде ограничена на 25 километри на час. Адриа Гомила, одговорна за сообраќајни прашања во општината, вели дека доколку брзината на скутерите надмине 25 километри треба да се класифицираат како мотоцикли и да се бара дозвола.

„Мерките се дизајнирани да го променат однесувањето на некои возачи, да го подобрат нивото на безбедност, но и да имаат колективна корист“, додаде тој.

Иако системот за изнајмување велосипеди во Барселона е голем успех, градот го забрани изнајмувањето тротинети во 2023 година, истата година кога Париз ја донесе нивната целосна забрана. Во нивниот врв, имаше 15.000 електрични тротинети за изнајмување во францускиот главен град.