Фудбалерот на Манчестер сити, Феран Торес, ќе биде првото засилување за Барселона во 2022 година. Новинарите Тони Хуанмарти, Матео Морето и Хави Мигел, потврдија дека Торес за сума од 55 милиони евра плус 10 милиони во бонуси во јануари ќе се пресели на „Камп Ноу“ .

Торес ќе биде второто засилување за Барселона по доаѓањето на Чави Ернандез за тренер, претходно беше договорена повторна соработка со Дани Алвеш кој од 2008 до 2016 година настапуваше за каталонскиот тим.

Интересно е што Барселона ќе плати дури 55 милиони евра за Торес, иако во минатото имала можност да го донесе фудбалерот за само седум милиони евра. Имено во 2017 година, кога Торес бил прекомандуван во првиот тим на Валенсија, Барселона имала можност да го купи за само седум милиони евра, но тогашниот претседател Хосеп Марија Бартомеу ја отфрлил таквата идеја. Торес во Сити дојде од Валенсија 2020 година за само 23 милиони евра.