Кошаркарот на ЦСКА Москва, Мајк Џејмс, откри дека Томас Ертел сепак бил препуштен сам на себе пред две вечери на аеродромот во Истанбул по наптреварот против Анадолу Ефес.

Барселона во текот на вчерашниот ден се обиде да се извади за срамниот потег кога поради револт оти Ертел преговарал со најлутиот ривал Реал Мадрид, го остави својот кошаркар на аеродром и не му дозволи да се качи во авионот.

Скандал: Барселона не му дозволи на свој играч да влезе во авион бидејќи преговарал со Реал

Каталонскиот тим вчера соопшти дека Ертел ја добил потребната помош за да се снајде во Истанбул, односно му било обезбедено сместување во хотел како и авионски билет за наредниот ден.

Но, денеска играчот на ЦСКА Москва, Мајк Џејмс тврди дека на Ертел му помогнал кошаркарот на Ефес, Родриго Бобуа.
– Бобуа го однесе Ертел во хотел веднаш штом дозна што се случило на аеродромот. Којзнае каде Ертел би бил сега. Можеби ќе луташе низ Истанбул и ќе се заразеше со коронавирус – изјави Џејмс.