Барселона го уверила дефанзивецот на Челси, Сесар Аспиликуета дека е подготвена да чека тој да донесе одлука за неговата иднина пред следното лето, информира италијанскиот новинар Фабрицио Романо.

На капитенот на Челси му истекува договорот на крајот од сезоната (30 јуни 2022 година) и нема најави меѓу двете страни за нов договор.

Аспиликуета не е против идејата да остане во Челси, но сака клубот да му понуди договор кој е во согласност со неговиот статус на „Стемфорд Бриџ“.

Барселона долго време е заинтересирана за потписот на Шпанецот бидејќи смета дека тој би бил солидно засилување, а на маса има понуда од каталонскиот гигант.

Аспиликуета допрва треба да донесе конечна одлука и се тврди дека Барселона е подготвена да го чека.

Сезонава во Премиер лигата за лондонските „сини“ запиша досега вкупно 17 настапи. Во клупската кариера ги бранеше уште боите на Марсеј и Осасуна.