Барселона ова лето би можела да се раздели со фудбалерот од средниот ред Френки де Јонг, откако веќе започна преговори со Ливерпул за потенцијален трансфер.

Според „Ел Национал“, спортскиот директор на Каталонците, Деко разговарал со претставници на англискиот клуб, откако во последните две-три години упорно тврдел дека „Камп Ноу“ може да се раздели со Холанѓанецот.

Договорот на Де Јонг со шпанскиот вицешампион е со важност до 2026 година, но тој самиот веќе не е толку категоричен за останување, особено откако неодамна изрази разочарување од неколкуте освоени трофеи со тимот.

Во 2022 година, играчот од средниот ред беше блиску до преселба во Манчестер јунајтед, со тоа што англискиот клуб постигна договор со Барселона, но на крајот играчот одби да го напушти Камп Ноу.

Ел Национал тврди дека Каталонците ќе бараат околу 40 милиони евра за Де Јонг, а заинтересирани се и клубовите од Саудиска Арабија. Во исто време се појавија информации дека Ливерпул е подготвен да понуди околу 35 милиони евра за неговите услуги.