Фото: Слободен печат/Слободан Ѓуриќ

Барди: Во Скопје сме освојувале бодови против Италија и Англија, можеме и против Белгија!

Репрезентацијата на Македонија утре го игра натпреварот против Белгија во квалификациите за Светското првенство, а пред овој натпревар на прес-конференцијата заедно со селекторот присуствуваше капитенот Енис Барди.

Барди потсети дека Македонија знаела во Скопје да одигра квалитетно и на високо ниво против големи репрезентација, па верува дека така може да биде и против Белгија.

„Подготвени сме за овој натпревар. Знаеме дека Белгија е квалитетна репрезентација. Сите од играчите мора да покажеме одговорност и да покажеме дека во нашиот дом е тешко да се победи. Тука сме добиле бодови против Италија, Англија и ако го дадеме максимумот мислам дека можеме и утре. Имаме искуство, имаме играчи кои играат во најсилни лиги, сите мора да веруваме во тоа што го правиме, играме дома, играме пред наши навивачи. Секогаш кога играме тимски имаме добри резултати, мислам дека сега нема зошто да не изгледаме како што треба“, изјави Барди.

Натпреварот против Белгија стартува во терминот од 20:45 часот.

Mилевски: Мораме да го смениме јунскиот менталитет!

ФОТО: Фудбалерите го одработија последниот тренинг пред натпреварот со силната Белгија

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот