Македонскиот фудбалер Енис Барди според последните информации од турските медиуми кариерата ќе ја продолжи во Коњаспор.

Барди веќе го напушти Бодрумспор каде што настапуваше во изминатата сезона и се најавуваше дека е блиску до договор со Ризеспор, меѓутоа последните информации од Турција говорат поинаку.

Турските медиуми пишуваат дека клубот подолг период преговарал со македонскиот репрезентативец и наскоро се би можело да биде официјализирано.

Познати и се деталите од договорот според кој наводно Барди ќе стави потпис на соработка од две години и ќе добива плата од 500.000 евра.

По Трабзонспор и Бодрум, Коњаспор би бил трет клуб од Турција во кариерата на Барди, а претходно во кариерата го носеше дресот уште на Шкупи, Ујпешт и Леванте.