Контроверзниот јутјубер Богдан Илиќ, познат како Бака Прасе, целосно се повлече од јавноста по скандалот со смртта на јутјуберката Кристина Кика Ѓукиќ, но и по разделбата со неговата девојка Ања Благојевиќ.

Неодамна, Богдан им се обрати на своите обожаватели на Инстаграм и раскажа за тешкиот период низ кој минува.

„Прво сакам да ви кажам дека ми недостасувавте, особено контактот со вас. Сметам дека ви должам објаснување зошто ме немаше и зошто нема да ме има.

Што се случи? Зошто исчезнав? Каде живеам сега? Дали повторно ќе снимам на Јутјуб?

На сите прашања ќе се обидам да ви одговорам преку стории на Инстаграм.

Се случија две работи кои ме скршија психички и кои ми ја убија желбата за снимање и за јавен живот. Првата, се разбира, е ситуацијата со Кика, а втората разделбата со Ања. Двете ситуации многу лошо влијаеа на мене и ми падна тешко да ги пребродам.

Медиумскиот линч кој го доживеав по смртта на Кика, со текот на времето стануваше сè полош. Луѓето онлајн почнаа да се вртат против мене и да вперуваат со прст на улица, ‘колегите’ ја искористија шансата да ме критикуваат и да соберат прегледи на Јутјуб, за да заработат, одев во полиција итн. Згора на сè, Ања и јас раскинавме и тука пукнав.

Цел јануари не можев да си дојдам на себе. Го поминав во кревет размислувајќи: ‘Што ќе правам јас со својот живот?’ Често ви говорев дека ќе престанам да снимам во оној миг кога повеќе нема да сакам да го правам тоа. Тој миг дојде! Тогаш одлучив да престанам и никогаш да не се вратам на Јутјуб. Не можев повеќе, бев скршен емоционално и психички.

И конечно, по долго време сум повторно среќен, почнав да го живеам животот со полни гради, тренирам, работам и уживам во животот.

Но, сметам дека Јутјуб е дел од мене, дел од мојата личност. Не би бил тука кај што сум без Јутјуб, а особено не без вас. Ви должам многу и тоа нема да го заборавам. Одлучив да ви се јавам затоа што видов дека многумина од вас се загрижени и сакам да ви кажам дека не треба да се грижите, дека сè е во ред. Искрено, ми недостигаат снимањето, дружењето и шегите на Јутјуб и полека повторно ми расте желбата за тоа.

Исто така, и на мене и на Ања раскинувањето на врската ни падна многу тешко, но таа мораше да продолжи да снима и да биде активна затоа што живее од тоа, не затоа што така сакаше. Се трудеше да биде позитивна и насмеана, а не можам ниту да замислам колку беше тажна и колку ѝ беше тешко. Иако раскинавме, јас ѝ посакувам сè најдобро и таа знае дека секогаш ќе бидам тука да ѝ помогнам како можам и умеам. И за крај, ве молам да не ја навредувате и да не ѝ пишувате затоа што не го зема само Ајфонот и не си замина туку-така.

Не можам да ви ветам дека ќе се вратам, но ме знаете мене. Секојпат кога е тешко, се враќам уште посилен. Што и да се случи и што и да одлучам, да знаете дека секогаш ќе останеме најсилната институција.

Ве сакам сите и многу ми недостасувате.

Ваш, Бака“

ФОТО | Поранешната девојка на Бака Прасе со провокативни фотографии „плаче“ за завршената врска