Американскиот претседател Џозеф Бајден за првпат се огласи откако медиумите објавија дека му дал дозвола на Киев да ja гаѓа Русија со американски ракети.

Бајден ја повтори поддршката на американската влада за Украина на самитот на Г-20 во Бразил, иако директно не ја спомена одлуката на Украина да и се даде зелено светло за употреба на ракети со долг дострел.

Сите ние мора да работиме на крај на конфликтите и кризите кои го поткопуваат напредокот во подобрувањето на безбедноста ширум светот. САД силно го поддржуваат суверенитетот и територијалниот интегритет на Украина. Според мене, треба и сите на оваа маса да дадат подршка – рече тој.

Бајден исто така ги повика земјите-членки на Г20 да „го засилат притисокот врз Хамас“ со цел да се постигне прекин на огнот во Појасот Газа. Тој додаде дека ќе „продолжи да работи на постигнување договор“ пред да си замине од власт.