Eкипата на Баерн Минхен во вчерашниот натпревар од 28. коло во Бундеслигата славеше победа над Аугусбург со 3-1, но германскиот гигант не можеше премногу да го слави триумфот.

Причина е повредата на еден од најважните фудбалери во тимот, Џамал Мусиала. Домаќинот поведе во 30-тата минута преку Димитрис Џиналуис, но гигантот од Минхен одговори токму со голот на германскиот репрезентативец, подоцна погоди Кејн и автогол си постигна Матсима.

Со повредата на Мусиала продолжија проблемите за Баерн кој пред овој дуел не можеше да смета на дури седум повредени фудбалери. Мусиала сезонава на 40 натпревари во сите натпреварувања постигна 18 голови и намести осум.

Повредата на Мусиала доаѓа и на само неколку дена пред натпреваврот во вторник кога овој тим ќе се соочи со Интер во четвртфиналето од Лигата на шампионите, а потоа за викендот следи и дербито во Бундеслигата со Борусија Дортмунд.