Шпанскиот репрезентативец Тијаго Алкантара во новата сезона ќе настапува во Премиер лигата, односно во Ливерпул откако англискиот тим денеска се договори со Баерн Минхен за висината за отштетата.

Готово: Алкантара од Баерн Минхен се сели во Ливерпул!

Баерн од продажбата на Алкантара ќе инкасира 30 милиони евра и според германските медиуми веднаш ќе ги потроши.
Имено, Баерн тргна по потписот на десниот бек на Ајакс, Сержињо Дест кој уште во јануари се поврзуваше со трансфер во германскиот шампион.

Тренерот на баварците, Ханси Флик планира Џошуа Кимих во наредната сезона да игра во средниот ред, а неговото место во одбраната да го зазеде Дест за кого Баерн ќе плати 20 милиони евра плус дополнителни пет милиони во бонуси.

Дест треба да потпише петгодишен договор со новиот европски шампион и тоа значи дека Барселона и нејзиниот тренер Роналд Куман ќе останат со празни ракави.