Мануел Ноер уште еднаш ја зачува својата мрежа недопрена, а притоа одлично реагираше во неколку наврати по шутевите на играчите на ПСЖ. Ноер успеа да ги одбрани ударите на Нејмар, Маркињос, Мбапе и според Шмајхел токму тој е најзаслужен за победата на Баерн во големото финале.

– Ноер беше неверојатен во финалето. Баерн сигурно не би ја освоил титулата со било кој голман доколку не брани на нивото на кое беше Ноер. Тој исто така им дава самодоверба на своите фудбалери не само со одбраните, туку и со своите додавања и контрола на топката – смета Шмајхел.

Овие зборови на поранешниот голман на Манчестер јунајтед и на данската репрезентација се тотална спротивност на тоа што тој го зборуваше по натпреварот помеѓу Баерн и Челси кога велеше дека Ноер е далеку полош голман од Марк Андре Тер Штеген и Алисон Бекер.