-Положбата на Власите во Северна Македонија е дефинира со самиот Устав. Ние сме конститутивен дел од Уставот и како граѓани се чувствуваме како дел од оваа држава, изјави во „Утрински брифинг“ на „Слободна ТВ“ Никола Бабовски, Демократски Сојуз на Власите во Македонија.

-Кога станува за заеднички интерес на државата нормално е сите да седнат на иста маса и да се договорат за круцијалните прашања. Ние како партија иако носиме предзнак дека сме претставници на дел од влашката заедница, не значи дека сме националистичка партија. Ние сме космополити и не може да настапуваме политички заедно со оние кои шират национализам. Тоа беше пресудно да влеземе во коалиција со СДСМ, изјави Бабовски.