Од Центарот за управување со кризи (ЦУК) вечерва информираат дека автомобилот кој попладнето излета во реката Вардар кај скопското село Рашче е извлечен и во него биле пронајдени телата на тројца патници.

-Возилото кое излета во Вардар во близина с. Рашче е извлечено. Од него се извадени телата на три лица. Потрагата по четвртото лице продолжува, велат од ЦУК.

Во автомобилот, како што претходно соопшти полицијата, било и четиригодишно дете кое излетало од возилото пред тоа да падне во реката. Детето е пронајдено од минувачи, по што е пренесено на Клиниката за детска хирургија. Оттаму во изјава за ТВ „Сител“ велат дека детето нема повреди кои би му го загрозиле животот, но е задржано за опсервација.

ВИДЕО: Тешка несреќа во скопско – автомобил падна во Вардар, по четворица луѓе се трага