Автомеханичар од Гостивар доби кривична пријава за измама откако проследил автомобил кај негов колега во Тетово, а ги наплатил парите како тој да ја извршил поправката, информира МВР.

„Надворешната канцеларија за криминалистички работи Гостивар поднесе кривична пријава против Б.Џ.(43) од Гостивар поради постоење основи на сомнение за сторено кривично дело „измама“. Во февруари 2024 година, во механичарска работилница на пријавениот во Гостивар, 46-годишник од гостиварско однел на поправка патничко возило „бмв“ со швајцарски национални ознаки, кој пак го проследил на механичар во Тетово. Сумата за поправка од 1.800 евра му била исплатена на Б.Џ., но тој не ја дал на механичарот од Тетово“, пишува во полицискиот билтен.