Австралиски рибар извлекол огромно суштество од речиси три метри од морето во близина на брегот на Нов Јужен Велс со застрашувачки изразени и големи заби. Џејсон Мојс сподели фотографии од „ѕверот“ на Фејсбук и призна дека навистина не знае што е тоа, иако животното наликува на јагула.

„Погледнете ја оваа огромна јагула фатена во Питвотер, Нов Јужен Велс. Никогаш не сум видел нешто слично, а сум комерцијален рибар веќе 50 години. Тоа не е сребрена јагула. Таа има заби како морена јагула. Но, лицето е многу заоблено, тапо. Беше долга околу 2,7 метри. Интересно…“, напиша Мојс, пренесува Мирор.

Многумина во коментарите на неговата објава шпекулираа за какво морско животно се работи, спомнувајќи дека е можно да се работи за долгоопашеста јагула или зелена јагула. Во најголем дел, повеќето од нив се согласуваат дека ова малку застрашувачко суштество припаѓа на редот на јагули.