Рио Тинто ја отфрли понудата на КАТЛ (Contemporary Amperek Technologies), а сега, по неколку години политички турбуленции во Србија, добро упатени извори велат дека внатрешните статистички модели на Рио Тинто му даваат негативна нето сегашна вредност на проектот Јадар, пишува австралискиот АФР, пренесува Нова.рс.

„Веројатно работите ќе се одвиваа поинаку за тој проект ако беа вклучени Кинезите“, вели анонимен извор.

Рио Тинто во Србија повторно стана актуелен во нов контекст оваа недела кога компанијата се согласи да плати 9,9 милијарди долари за производител на литиум фокусиран најмногу на екстракција на подземните води во Аргентина- „Аркадиум литиум“.

За некои, купувањето на Аркадиум е признание дека Рио Тинто не успеа да го развие проектот за литиум што го откри во 2004 година на земјоделско земјиште во долината Јадра во Србија. За други, купувањето на Аркадиум е доказ дека големите рударски компании можат да ја земат топката и да играат на друго место доколку се чувствуваат непожелно.

Србија го повлече „тепихот за добредојде“ од под нозете на Рио Тинт во јануари 2022 година, кога тогашната премиерка Ана Брнабиќ ги откажа сите дозволи за проектот Јадар.

Тоа не беше политичкиот одговор на кој Рио Тинто се надеваше шест месеци претходно, кога го презеде невообичаениот чекор да ја одобри изградбата на проектот „Јадар“ вреден 2,4 милијарди долари, што подлежи на одобренија од владата.

Откажувањето на лиценцата во голема мера беше одговор на значителното јавно противење на проектот. Оттогаш, на Рио Тинто во Србија му е тешко, а на улиците на Белград има чести масовни протести против проектот. Американскиот амбасадор во Србија, Кристофер Хил, ја обвини Русија дека помага да се поттикне противењето на заедницата на проектот, а некои упатени во рударската индустрија се сомневаат дека „Јадар никогаш нема да стане политички фудбал под кинеска сопственост“.