Австралиец осуден на 129 години затвор поради сексуална злоупотреба на деца на Филипините
Австралиец е осуден на 129 години затвор во Филипините како дел од случајот за сексуална злоупотреба на деца во кој се вклучени жртви на возраст од 18 месеци, соопшти обвинителот, пренесува Гардијан.
Препорачано
„Се надевам дека ова испраќа многу силна порака до сите насилници, сите трговци со луѓе, дека криминалот навистина не се исплати“, рече во средата Мерлин Барола-Уј, регионален обвинител во јужниот град Кагајан де Оро.
Тоа беше втора пресуда за Питер Џерард Скали, кој веќе отслужува доживотна затворска казна за силување и трговија со девојчиња.
Филипините станаа глобално жариште за сексуална експлоатација на деца, предупредуваат експертите, помогнати од сиромаштијата, течното познавање на англискиот јазик и високата интернет конекција во земјата.
Судот во Кагајан де Оро ја изрече казната на 3 ноември, откако Скали и неговите тројца сообвинети склучија договор за спогодување.
Тие беа обвинети за 60 дела, вклучувајќи трговија со луѓе, материјал за сексуална злоупотреба на деца, злоупотреба на деца и силување.
