Силното невреме што вечерва погоди повеќе области во Македонија предизвика сериозни проблеми во воздушниот сообраќај. Неколку авиони на „Визер“ не можат да слетаат на скопскиот аеродром и се принудени да кружат над земјата, чекајќи поволни временски услови, пишува „24 Инфо“.

Според податоците во живо од веб-страницата „Flightradar“, најмалку три авиони – од Базел (WZZ995), Ајндховен (WZZ29GL) и Солун (WZZ4784) – прават обиколки над Велешко, Охридско и Источна Македонија.

Скопје доцна попладнето и вечерта беше под влијание на невреме со пороен дожд, град, грмотевици и ветер. Слична временска состојба е регистрирана и во централниот и источниот дел на државата.