Фудбалерите на Мајорка ја запишаа првата победа во новата сезона на Ла Лига, совладувајќи го Алавес со 1:0 на домашен терен во рамките на 6. коло.

Херој на „црвено-црните“ беше поранешниот ас на Партизан, Асано, кој во 37. минута по двоен пас со Домeнек ја затресе мрежата за конечни 1:0.

Натпреварот беше израмнет, но голот на јапонскиот интернационалец се покажа како пресуден. До крајот Мајорка успешно ја сочува предноста и стигна до големо славје.

Со овој триумф Мајорка стигна до пет бодови и се наоѓа на 18. позиција на табелата, додека Алавес остана на 10. место со осум бодови. Во следното коло Мајорка гостува кај Атлетик Билбао, а Алавес ќе го пречека Елче.