Илина Арсова на 28 декември го искачи врвот Винсон на 4892 метри на Антарктикот во рамки на проектот на Федерацијата за планинарство на Северна Македонија и Агенцијата за млади и спорт и со тоа го комплетираше проектот Седумте врвови.

– Го засакав студот и се вљубив во Антартикот. Искачувањето траеше десетина дена, вели таа.

– За разлика од другите места, овде немавме шерпаси, туку сами ги носевме работите за овој планински врв. Предизвикот седум врвови на седум континенти е предизвик поставен во осумдесеттите години. За мене врвот Винсон беше оставен за последен од финансиски причини, затоа што навистина е скапо да се стигне до таму. Поскапо и од Монт Еверест. Од технички аспект планината не е многу тешка, но не е планина за потценување затоа што човек може многу лесно да се здобие со смрзнатини. Морам да кажам дека таму е постојано ден, никогаш не се стемнува, изјави за Утрински брифинг алпинистката Илина Арсова.