Реал Мадрид, како што се најавуваше, го потврди трансферот на Александер-Арнолд кој потпиша шестгодишен договор. ,,Кралевите“ ќе платат десет милиони евра за да го добијат десет дена пред истекот на договорот со Ливерпул.

Арнолд во Мадрид ќе присгигне на 1 јуни и неговиот договор ќе има важност до јуни 2031 година.

На 26-годишна возраст, Александер-Арнолд пристигнува во Мадрид со импресивно резиме и освоени девет трофеи со Ливерпул, вклучувајќи ја Лигата на шампионите, Светското клупско првенство, Суперкупот на Европа, две титули во Премиер-лигата и сите домашни англиски купови.

Целата своја досегашна кариера ја мина во Ливерпул, каде што се изгради како еден од најдобрите офанзивни бекови во светот. Од 2018 година е стандарден репрезентативец на Англија, со настапи на двете последни Светски првенства и Европското првенство во 2024 година.