Полициски хеликоптер во моментов го гасне пожарот во Неготинско, а набргу ќе се придружи и еден армиски хеликоптер, соопшти Центарот за управување со кризи (ЦУК).

Од ЦУК велат дека во моментов не постои директна опасност за населението, но Општина Неготино испрати апел до сите што престојуваат во блиските села како Брусник, Калањево и Липа во кои трајно живеат само неколку луѓе но истите се користат и како викенд населби, превентивно да заминат оттаму.

Сè уште активен пожарот кај Пепелиште, нема опасност за населбите и инфраструктурата

Армискиот хеликоптер „ми-17“ е планирано да се вклучи во гаснење на пожарот попладнево.

– Утрово, ЦУК упати и барање за поддршка за целосно извидување на теренот од воздух до МВР, а и барање за извидување од воздух со дронови на Граничната полиција и на „Фронтекс“ (Европската агенција за гранична и крајбрежна стража, што обезбедува оперативна поддршка во управувањето со границите, како помош и во нашата држава) – споделија од Центарот.