Македонскиот шампион Струга Трим Лум денеска доведе уште едно засилување во своите редови и потпиша договор со Арби Воша.

Воша во редовите на шампионот пристигнува од Шкупи каде што во минатата сезона одигра 33 натпревари.

„Арби Воша е одличен фудбалер со исклучителни вештини. Тој е брз, прецизен и пред се играч кој има визија. Неговото присуство ќе биде многу важно за нас во наредните години. Среќни сме што успеавме да го доведеме и веруваме ќе биде наш важен фактор во исполнување на амбициите“, изајви Бесарт Исаку, спортскиот директор на Струга Трим Лум.

Сезоната Воша ја заврши со шест гола и четири асистенции во ПМФЛ.