Претседателството на Алијансата за Албанците (АА) на синоќешниот состанок едногласно го избра Арбен Таравари за потпреседател на партијата. Таравари ќе биде едиствен потпреседател на оваа партија.

Од партијата на Зијадин Села за „Слободен печат“ велат дека генералниот секретар и други партиски функционери ќе се бираат на наредниот состанок на претседателството на партијата.

По состанокот, партискиот лидер Села изјави дека неговата партија е против бојкотот на работата на Собранието и не се приклучува на караванот на опозициската ВМРО-ДПМНЕ во ова политичко патешествие.

Арбен Таравари, пред партискиот Конгрес што се одржа во март, најави повлекување од позицијата генерален секретар на партијата, но и од сите други партиски фиункции за да им даде шанса на младите генерации. Но вчерашната одлука на претседателството го кажува спротивното.