Ар Кели осуден на уште 20 години затвор за детска порнографија и злоставување малолетници
Американскиот рапер Ар Кели е осуден на 20 години затвор поради детска порнографија и злоставување малолетници, објави „Си-ен-ен“.
Препорачано
Раперот веќе ја отслужува 30-годишната затворска казна од 2021 година, кога беше осуден за рекетирање и сексуална трговија во врховниот суд во Њујорк. Американскиот окружен судија Хари Лајненвебер изјави дека на Ар Кели ќе му се сметаат паралелно двете затворски казни, последната од 20 години, заедно со претходната казна од 30 години затвор.
Кели е прогласен за виновен уште во септември минатата година, за детска порнографија и наведување и злоставување на малолетници на сексуални активности, а сега му е одредена казната. Обвинителството барало затворска казна од 25 години, тврдејќи дека единствен начин да не го повтори делото е затворска казна, која ќе го држи затворен до крајот на неговиот живот.
Неговите адвокати изјавиле дека постоечката казна од 30 години за него значи доживотен затвор, со оглед на тоа што раперот има дијабетес.
