Ја претставуваме листата на оние намирници кои можат да помогнат во зајакнување на имунитетот.

Намирници богати со железо

Јадењето храна богата со железо како црвено месо, живина, риба, мешунки, спанаќ, школки, зелка и суво овошје помага во одржувањето на нормалното ниво на железо во крвта, што е важно за одржување на здравјето на имунолошкиот систем.

Храна богата со пробиотични бактерии

Пробиотиците се познати дека играат важна улога во одржувањето на здравјето на имунолошкиот систем. Одличен извор на пробиотични бактерии се киселата зелка, киселите краставички, јогурт, кефир и матеница.

Цитрусно овошје

Агрумите и друга храна богата со витамин Ц, како што се пиперките, лиснат зеленчук и бобинки, можат да помогнат во зајакнувањето на имунолошкиот систем, да го намалат ризикот од инфекции и да го забрзаат опоравувањето по заболување.

Ѓумбир

Внесете ѓумбир во вашата дневна исхрана, со тоа ќе го намалите ризикот од инфекција и вируси, но ѓумбирот многу помага и при симптоми на гадење.

Лук

Внесувањето на лук, 2 – 3 чешниња на ден, помага во зајакнување на имунитетниот систем, а резултатите од некои студии покажуваат дека лукот е ефикасен и во намалување на симптомите и времетраењето на грип и настинка.

Кромид

Кромидот има огромна антибактериска, антифунгална, антиинфламаторна и анти-туморна моќност. Содржи калциум, фосфор и железо. Екстрактите од црвен кромид се богати со фенолни компоненти и имаат антиканцерогена активност.

Бобинки

Бобинките се одличен извор на полифеноли, важни билни состојки кои помагаат да се намали ризикот од вирусни и бактериски инфекции.

Кокосово масло

Масните киселини што ги содржи кокосовото масло може да помогнат во заштитата на организмот од вирусни, бактериски и габични инфекции.

Ореви, бадеми, лешници

Одличен извор се на селен, бакар, витамин Е и цинк, кои играат важна улога во зајакнувањето на имунолошкиот систем.