Душан С. од Бор на 9 октомври бил уапсен поради обид да предизвика паника и неред бидејќи преку социјалните мрежи упатувал директни закани до родителите на Данка Илиќ, објавуваат денеска српските медиуми.

Според написите во средата на 9 октомври со одобрение на Основното јавно обвинителство Бор му е одредена мерка притвор до 48 часа.

Од Основното јавно обвинителство Бор не даваат подетални информации за деталите за конкретниот настан, поради кој осомничениот во моментот е приведен, а во тек е прелиминарната истрага.

Освен Савиќ, според неофицијални информации, уапсено е уште едно лице кое преку истата медиумска платформа упатило директни закани до родителите на малата Данка Илиќ.

За обезбедување докази, извршен е претрес во станот на пријавениот, при што, покрај средствата за комуникација, пронајдени се и куршуми од пиштол со калибар девет милиметри, како и неидентификувана експлозивна направа со фитиљ и електронски детонатор.

Одредена количина на наркотична дрога амфетамин била пронајдена и кај неговата вонбрачна сопруга.

Информациите кои ги објавуваат српските медиуми говорат дека Душан С. во последните две децении бил сторител на голем број кривични дела на територијата на Србија. Тој подолг период поминал на издржување затворски казни за кои е законски осуден за сторени различни кривични дела, почнувајќи од тешки кражби, па завршувајќи со кривични дела сузбивање на трговија со дрога и фалсификување службени исправи.

Во текот на 2023 година кај именуваното лице се пронајдени 17 килограми разновидна дрога, а постапката се води пред Вишото јавно обвинителство Зајечар.

Инаку, постои сомнение дека Данка Илиќ е убиена на 26 март во Бањско Поље, каде со мајка си дошла во својата стара куќа. Дејан Драгијевиќ (50) и Срѓан Јанковиќ (50), работници на ЈКП „Водовод“, беа обвинети од Вишото јавно обвинителство во Зајечар поради сомнение дека го убиле девојчето.

Сведоци, надзорни камери, ГПС… се трите клучни докази против Дејан Драгијевиќ и Срѓан Јанковиќ, осомничени за убиството на Данка Илиќ, на 26 март годинава во селото Бањско Поље кај Бор.