Апелациониот суд во Скопје ги одби жалбите на обвинетите и нивните бранители од случајот „Диво Насеље“ и во целост ја потврди првостепената пресуда за случајот.

Основниот суд Скопје 1 во 2017 година изрече седум доживотни затворски казни за обвинетите. Тринаесет беа осудени на единствена затворска казна во траење од 40 години, шестмина се осудени на затвор од 20 години, еден доби 18 години затвор, двајца се осудени на 14 години, исто толку на 13 години, а четворица поради немање докази се ослободени од обвиненијата.