Апелациониот суд во Њујорк денес ја поништи одлуката за казна од околу 500 милиони долари изречена на американскиот претседател Доналд Трамп во граѓанска тужба за измама покрената од државната обвинителка на Њујорк, Летиша Џејмс.

Според Си-ен-ен, одлуката значи дека Трамп и понатаму останува одговорен за измама, но дека паричната казна е укината за да може случајот да продолжи и да биде разгледуван од повисоките судови.

„Иако наредбата на судот со која се ограничуваат деловните практики на обвинетите е добро осмислена за да ја потисне нивната деловна култура, барањето обвинетите да платат речиси половина милијарда долари на државата Њујорк претставува прекумерна казна што е спротивна на Осмиот амандман од Уставот на САД“, стои во образложението на судот.