Претседателот на Европскиот совет Антонио Кошта синоќа приреди неформална вечера за учесниците на Самитот на Европската политичка заедница од Западен Балкан во Тирана, во пресрет на која рече дека има нов моментум во проширувањето на Европската Унија.

Во објавата на Х, Кошта истакна дека понатамошните напори за напредок кон пристапувањето мора да бидат водени од основните принципи: доследност и доверба.

„Конзистентност – од страна на ЕУ во одржувањето на проширувањето на врвот на нејзината политичка агенда. И доследноста на партнерите во усогласувањето со нашите вредности и спроведувањето на реформите“.

Доверба – тоа може да се изгради само преку отворен дијалог. Внатрешно, меѓу партнерите во регионот и со институциите на ЕУ и земјите членки“, напиша Кошта.

Меѓу лидерите кои учествуваа на неформалната вечера што Кошта ја приреди со претставници на Европската Унија, претседателката на Европската комисија Урсула фон дер Лајен и високата претставничка за надворешна и безбедносна политика на ЕУ и потпретседателка на Европската комисија Каја Калас.