Вицепремиерот за европски прашања, Бојан Маричиќ, попладнево му посака добредојде на претседателот на Европскиот совет Шарл Мишел, кој пристигна во Охрид, каде ќе учествува на форумот за дијалог „Преспа“.

-Исклучително важна посета, во важен момент за нашата земја и за целиот регион. Ќе имаме одлична можност со господинот Мишел да го повториме ставот за нашата стратешка определба и партнерство со ЕУ и да поразговараме за идните планови за натамошен развој на Западен Балкан и ЕУ, во пресрет на јунскиот Самит на француското претседателство, напиша Маричиќ на Фејсбук.

Форумот „Преспа“ ќе се одржи во следните два дена.