На фармата Сити од 37 хектари во англискиот град Бат, волонтерите откриле 1.250 нови видови инсекти во последните осум години, а експертите се изненадени и загрижени бидејќи во текот на изминатово лето откриле уште триесет нови кои се преселиле таму поради екстремните температури предизвикани од климатските промени.

Сити Фарм е најновата организација за зачувување на животната средина која укажа на присуството на досега невидени инсекти во тој дел од земјата пред климатската криза.

Волонтерите и експертите се загрижени поради појавата на 30 нови видови инсекти во Бат во текот на летото, бидејќи тие претходно беа присутни во областа само во зима, пишува Гардијан. Екологот и активист Мајк Вилијамс, кој води евиденција за новите животни, рече дека инсектите и пајаците се важен показател за видовите кои им помагаат на еколозите подобро да ги разберат ефектите од климатските промени врз природниот свет.

„Пајаците се класичен пример за ова, бидејќи поради нивниот краток животен век и мобилност, тие реагираат на временските промени“, рече тој.

На фармата пред три години за прв пат беше забележан нов вид пајак, кој сега е се позастапен во околината.

„На почетокот на 1990-тите можевме да го најдеме пајакот оса само на јужните брегови, во Дорсет. Тогаш Бат беше премногу на север за нив бидејќи таму беше премногу студено. Никогаш не можев да замислам дека еден ден ќе ги видиме во овој регион, а нивното присуство овде е доказ за климатските промени“ рече Вилијамс.

Тој претходно работел како професионален консултант за животна средина за организации како Начурал Ингланд и Нешонал Траст, а сега живее на урбана фарма каде што ги проучува локалните, а не националните промени.

„Сè што гледам ме фасцинира и ме растажува. Нашето истражување за дивиот свет покажува дека климатските промени не се нешто што ќе се случи во далечна иднина. Во последните дваесет години можете да слушнете штурци само во ливадите на Бат. Нивните гласови се јасен показател за климатските промени, ако вие и ние можеме јасно да слушнеме“, рече тој.