„Било каков обид да се спречат синоќешните настани на лице место можеше да се предизвика конфликт, судир со масата со несогледливи последици, затоа што слушавме пукотници во воздух, мислам дека се работеше за автоматски пушки, калашников. Доколку дојдеше до судир меѓу полицијата и луѓето кои што прославуваа можеше прво да тргне во многу несакан правец, а и самиот премиер и министерот за внатрешни работи веќе подолго време предупредуваат дека токму тоа е намерата на одредени поединци од опозицијата, пред се мислам на албанскиот блок од ДУИ“, изјави вечерва во „Само вистина“ на „Канал 5“ Стојанче Ангелов.

„Работа на опозицијата е да критикува и да бара оставки. Добро е што специјалците останаа ладнокрвни на едно вакво дивеење. Овде се работи за менталниот склоп на еден дел од нашите сограѓани Албанци кои што сакаат да слават на ваков начин, но ако некој од масата направил кривично дело, треба да има лична одговорност. Згрозен сум, треба да покажат љубов кон оваа наша заедничка татковина“, рече Ангелов.