Македонскиот атлетичар Андреас Трајковски имаше одличен настап на отворањето од Европскиот тимски атлетски шампионат во третата дивизија, што се одржува во словенечкиот град Марибор.

Во својата најсилна дисциплина, скок во далечина, Трајковски оствари скок од 7,83 метри, што беше доволно за прво место и максимални 15 бодови за македонскиот тим.

Натпреварувањето, кое е од екипен карактер, продолжува и утре, а Македонија на шампионатот настапува со 24 атлетичари подеднакво распоредени во машката и женската конкуренција.