И покрај турбулентниот старт на сезоната, Карло Анчелоти е уверен дека Реал Мадрид ќе стигне до крајот на Лигата на шампионите.

По првите пет кола Реал Мадрид има две победи и три порази и се наоѓа на 24. место на табелата во ЛШ, последното кое води во нокаут фазата.

Бледи се изданијата на тимот, но Анчелоти верува дека сето тоа ќе се промени кога најмногу ќе треба и Реал Мадрид ќе стигне до финалето.

„Запаметете, Реал Мадрид ќе биде во финалето од Лигата на шампионите во Минхен. Ние ќе бидеме таму“, му кажал Анчелоти на Алберто Керути, престижен новинар на „Газета дело Спорт“ и негов личен пријател.