Помалите политички партии при приклучување на владиното мнозиство влегуваат со големи амбиции и се преставуваaт како „клуч“ за функционирањето на Владата, но после неколку месеци нивните амбиции омекнуваат. Вака поранешниот пратеник Зуди Џелили ги коментира внатрепартиските несогласување во партијата Алтернатива, околу начинот на нивното делување како дел од владиното мнозинство.

– Кога се приклучуваат на владиното мнозиство помалите партии имат големи амбиции, се претставуваат како спасители и дека тие се клучот за опстанок на Владата. Но, по некое време нивните амбиции омекнуваат и се сведуваат на нула. Начинот како Алтернатива стана дел од Владата го потврдува токму тоа што се случи со Движењето БЕСА во владата на Заев, тоа што и се случи на НДП на Руфи Османи и на сите останати кои влегле во Владата за политички интереси, изјави Џелили за „Слободен печат“.

Според него, некои експоненти на партијата Алтернатива веќе разбраа дека се само формално дел на Владата и дека немат никакво колективно влијание.

Политикологот Енвер Салихи вели дека партијата Алтернатива на Африм Гаши при вклучувањето кон парламентарното мнозиство се претстави со големи ветувања, и затоа, според него, сега и очекувањата на граѓаните и партиските членови и експоненти се големи.

– Алтернатива имаше големи ветувања, како и секоја друга партија на Албанците, кога се приклучува кон парлементарното мнозиство, но сегогаш се повторуваат истите работи со сите партии, вклучително и со Алтернатива, изјави Салихи за „Слободен печат“.

Несогласувањата на пратеникот Реџепи со партиското раковоство, според Салихи се во духот на внатрешните партиски дебати.

– Секој политички субјект треба да се демократизира и да се отвори за конструктивни и професионални идеи, а не да влезе во светот на персоналните желби на индивидуата, со што се губи колективната преспектива и почнува стагнацијата, нагласи тој.

Пратеникот на Алтернатива, Скендер Реџепи јавно изрази незадоволство од начинот на делување на Алтернатива како дел од Владата и побара партијата да го преиспита понатамошното учество во владината коалиција, поради, како што кажа, неисполнетите ветувања на партијата.

Реџепи: Ако Алтернатива не успее да ги спроведе програмските точки, треба да ја напушти Владата