Американскиот професор Рој Казагранде, кој предава на државниот универзитет во Остин, а чии интереси се политиката, историјата и филозофијата, објави и видео во кое ја објаснува својата визија за Балканот и за земјите од поранешна Југославија- пишува Телеграф.рс.

Тој посочи дека Србите и Хрватите се „исти луѓе“, дека зборуваат ист јазик, имаат некои регионални дијалекти и разлики, но дека тоа е ист јазик.

– Србија се одвои од Отоманската империја. Во Србија се претежно православни, во БиХ главно муслимани, иако имаат голема популација на православни и католици. А Хрватска е католичка држава. Причината зошто ви го кажувам ова е дека луѓето што живеат во Босна и Херцеговина, потоа Србите и Хрватите, се сите исти луѓе. Тие зборуваат ист јазик, имаат некои регионални дијалекти и разлики, но тоа е ист јазик. Луѓето во тие земји изгледаат исто, генетски се исти, не можете да ги разликувате. Пред војната беа целосно измешани, децата заедно одеа на училиште, пазареа во исти продавници. Единствената разлика меѓу нив е религијата. Србите, како православни, секогаш гледале кон Русија, таа им била пример, додека Хрватите како римокатолици гледале кон Германија, Австрија. Бошњаците гледаа кон Турција затоа што се муслимани – вели професорот.

@roycasagrandatok

Dr Roy Casagranda on Serbia #drroycasagranda #roycasagranda #history #historytok #serbia #croatia #bosnia

♬ original sound – RoyCasagrandatok

А потоа дојде канонадата од коментари.

„Не сме исти“, „Едноставно објаснување, но треба многу подлабоко“, „Да, само религијата ги дели“, „Генетски исто е смешна изјава. Србите и Хрватите се генетски различни“, „Овие се само клишеа, не разбираш професоре“, „Не, всушност има генетски разлики“, беа само дел од коментарите на луѓето кои не се согласуваат со ставот на професорот Казагранде.