Американската војска е „подготвена да ја спроведе секоја одлука“ што ќе ја донесе претседателот Доналд Трамп за воени и мирнодопски прашања, изјави денеска министерот за одбрана на САД, Пит Хегсет.

„Ако и кога ќе се донесат тие одлуки, Министерството (за одбрана) е подготвено да ги спроведе“, изјави Хегсет пред Комитетот за вооружени служби на Сенатот, според „ПБС“.

За време на седницата, Хегсет не потврди дали војската подготвува опции за напад на Иран, а неговите коментари дојдоа како дел од неговото сведочење пред комисијата на Сенатот, каде што се осврна на подготвеноста на војската да одговори на евентуалната американска воена интервенција на Блискиот Исток, откако избувна војната меѓу Израел и Иран.

Трамп засега не открива дали САД ќе го нападнат Иран